На указанный в форме e-mail придет запрос на подтверждение регистрации.

Регистрация





Дохил шудан ба RAP.TJ



Дохил кардани треки нав



Фото для трека
Трек
Хунармандон
Шарифзода Исроил (IsroiL)

Шарифзода Исроил (IsroiL)

(kurganrap)
11 Янв 2016
4100 просмотров

Номи пурра: Шарифзода Исроил
Соли таваллуд: 25 октябри 1995
Ҷои таваллуд: ш.Қӯрғонтеппа
Ҷои истиқомат: ш.Қӯрғонтеппа, Шабчароғ
Тахаллус дар рэп: IsroiL
Оғози рэп: 2012
Анҷом: 2012-2014 / 2016 – давом дода истодааст.
Аввалин трек: “Хушручаи Хушруво”
Трекҳои машҳур: “Хушручаи Хушруво”, “Овора”, “hands up”, “Бра Майли”, “Ишқ дуруғай-Ошиқ дуруғгу” ва ғ.
Жанр: Лирика / Бэттл / Клубный ва ғ.
Шумораи трекҳо: Зиёда аз 50 -60 трек
Ҳамкорӣ: бо бисёр рэперон
Аъзои гурӯҳ: M.F (Mixed Friends) аз соли 2о16 инҷониб
Маълумоти муфассал:
Шарифзода Исроил 25 октябри соли 1995 дар ш.Қӯрғонтеппа, кучаи Шабчароғ ба дунё омадааст. Соли 2002 қадамҳои аввалини худро ба даргоҳи маърифат, яъне ба мактаби №12 ҳамин шаҳр гузоштааст ва соли 2008 (дар синфи 7) ба литсейи тоҷикию-туркӣ дохил шуд. Дар литсейи мазкур муддати 2 сол таҳсил намуда, баъдан ӯ хост, ки дар мактаби №9 таҳсили худро идома диҳад, аммо дар ин мактаб танҳо ним сол хонду ба Литсейи Ориёно даргоҳи маърифати худро табдил дод, ки баъди 2 соли таҳсил қадами ниҳоии худро ба Литсейи тамоюли технологӣ гузошт ва хушбахтона ин литсейро бо сари баланд хатм намуд. Исроил пас аз дохил шудан ба литсейи тоҷикию туркии шаҳр пурра ба хондан шурӯъ намуд, ки ин оянда уро то анчомёбии таҳсил ба як катор комёбихо ноил гардонид. Аз ҷумла, Шарифзода Исроил дар иштироки олимпиадаҳои фаннии байни мактабҳо завқи беҳамто дошт. Ӯ иштирокчии олимпиадаҳо аз фанҳои Информатика, з.англисӣ, забон ва адабиёт, ҳуқуқ ва охир таърихи халқи тоҷик буд. Исроил дар баробари таҳсили хуби мактабӣ дар ҷангҳои байнисинфиву байнимактабиҳо низ пешсаф буд, ки ин рафтори номуносиб ӯро ба оқибатҳои манфӣ бурда расонид (яъне дар ҷанге нохост ба ӯ корд зада буданд ва муддати 2-3 моҳ дар табобатхона қарор дошт). Пас аз ин воқеа ӯ ба ин рафтори ноҷои худ падруд гуфту имрузҳо боз ба омӯзиши илм машғул аст.

Шарифзода Исроил соли 2012 бо дастгирии FaysaL (Файзалличои Зайнулло) аввалин рэпи худро бо номи “Хушручаи Хушруво” дар студияи Parviz Records хонд, ки рэпи ӯ дар муддати кутоҳ шунавандагони худро ёфта буд. Ҳамин тавр ҳамкории ӯ бо ин шахс (Файсал) рӯз то рӯз инкишоф меёфт. Дар ин байн ҳамкориҳо бо Promix, DeniL, Skull оғоз гардид. Бештари рэпхои Исроил дар студияи XD Records (Promix) ва баъдан студияи Exclusive Records (ки ҳамроҳи Муродҷон (Edward) кушода буданд) хонда буд. Ӯ дар як қатор сомонаҳо ба ҳайси гл.модеру админ кор ва фаъолият намудааст. Исроил иштирокчии дукаратаи бэттл дар сомонаи tajrap.ru ва полуфиналист дар бэттли сомонаи tajclan.ru аст. Ӯ иброз медорад, ки шояд финалист, ҳатто ба ғолиби озмуни бэттли тачклан сазовор мегашту мутаассифона бо мушкилотҳои дарсӣ ӯ ба хондани рэп нуқта гузошт. Вале баъди 1 сол (яъне 2о16) нуқтаи гузоштаи худро вергул намуду аз нав ба хондани рэп дар гуруҳи M.F(Mixed Friends) шурӯъ намуд.

То имрӯз IsroiL зиёда аз 50 рэп дорад, ки 2 албомро ташкил медиҳанд, яке бо номи “Хотираҳо” ва дигаре бо номи “Овора” маълум аст. Ӯ бо рэперони маъруфи замона аз ҷумлаи ALONE, Skull Joni Jonona, Abada, Promix, DeniL, DreeN, Edward, FaysaL, Sibastian Teejay, Akash Mc, 2Boys (ZePeR), KepaSSo (Az1a), FaRaJoN, Сэм Саламов, Суруш Тураев ва ғайраҳо ҳамкориҳо дошт ва дар якҷоягӣ сурудҳо дорад.

IsroiL мегӯяд, ки бештари рэпҳои ӯ аз ҳаёти шахсии ӯ мебошад ва қисме аз онҳо танҳо бофтаву хаёлоти шахсии ӯст. Дар соҳаи рэп имрӯз касера ба худ рақиб намедонад ва ба ҳама рэперон ба як чашм менигарад. Мақсад аз хондани рэп машҳур шудан байни мардуму овозадор гаштан нест. Ӯ танҳо барои наздикони худу барои дарди дил ва кайфияти худро аз рэп шикастан рэп мехонаду халос. Ин Шо Аллоҳ дар соли 2о16 нақшаҳои хондани бисёр рэпҳои True-ро дорад. Ба у барори кор ва саломатӣ.....



Отзывы

Возврат к списку