На указанный в форме e-mail придет запрос на подтверждение регистрации.

Регистрация





Дохил шудан ба RAP.TJ



Дохил кардани треки нав



Фото для трека
Трек
Хунармандон
MusL1m  (Ҳофиз Хадыров)

MusL1m (Ҳофиз Хадыров)

(WMoo) Додихудо Абдурахимов
19 Окт 2015
1851 просмотров

Номи пурра: Ҳофиз Хадыров
Соли таваллуд: 6 сентябри соли 1998
Ҷои таваллуд: шаҳри Душанбе
Ҷои зист: ш.Душанбе
Тахаллус: MusL1m
Оғози рэп: 2013
Анҷом: Давом дода истодааст
Трекҳои машҳураш: Надорам бозгашт, Шон Мс, Куҷои ту модарҷон, Ҷавонони имруза ва ғайраҳо
Машғулияти дигар: Ҷустуҷӯи маълумотҳо дар бораи Театр ва Кино
Иштирокчи: Life and Death Production
Мақсадҳо: Пайдо кардани (спонсор) ва зиёдтар иштирок кардан дар консерту маросимҳо
Шуғли дустдошта: Кофтукоби навидҳои ҷолиб дар шабакаҳои интернетӣ, бози кардани Футбол дар компютер ё (Play station), хондани асару сенарияҳо, гӯш кардани мусиқиҳои ором, махсусан (Туркӣ) ва ғайраҳо...

Ҳофиз Хадыров 6-уми сентябри соли 1998 дар шаҳри Душанбе ба дунё омадааст ва то ҳол истиқоматкунандаи шаҳри Душанбе мебошад. Дар оила фарзанди хӯрди буда, соҳиби як апаву як бародар мебошад. Соли 2002 дар синни 4-солагӣ аз меҳри падари бузургвор маҳрум гашта, модари меҳрубонаш бошад, аз маҷбуриву аз сабаби набаромадани уҳдаи фарзандон, духтарча ва писарчаи калониашро ба тарбияи волидайни худ ва Ҳофизи хӯрдакакро бошад, аз боғча гирифта ба тарбияи бародараш месупорад, зеро бародараш писаре надошт, аммо соҳиби 5-духтар буд. Тағо ҷияни хӯрдакакашро ба мадрасаи маҳаллӣ супурда ва мехоҳад ӯ аз дину китоб бохабар шавад, инчунин Ҳофизи Қуръони Карим. Бо гузашти вақту замон, духтарони тағояш ба ӯ бисёр бахили карда, фишор меоранд ва масхара низ мекунанд. Ҳофиз дигар тоб наоварда мехоҳад ба назди модараш баргардад, аммо ба шикоятҳои ӯ ҳеҷкас бовар намекард. Тахминан соли (2004-2005) модараш ба шавҳар мебарояд. Ҳангоме,ки ӯ ба синни 6-солагӣ қадам мемонад, падарандааш ӯро аз хонаи тағояш меорад. Баъдан бобояш ӯро ба мактаб-интернати бепарасторон месупорад, ҳарчанде ӯ ҳоло ятими пурра набуд. Ба гузашти солҳо, баъди чандин хушиву бадиҳои зиндагӣ, баъди чандин ҳодисаҳо, модараш бо сабаби бемориҳои гуногун аз олами ҳасти чашм мепӯшад, баъдан падарандааш боз зани дигар мегирад. Ҳофиз 9-сол дар мактаб интернат таҳсилро давом дода, бо муваффақият онҷоро хатм менамояд. Баъдан ба коллеҷи "Фарҳангии Ҷумҳуриявии ноҳияи Рӯдакӣ" дохил шуда, дар онҷо 4-моҳ таҳсил карда, аз нимсолаи дуюми соли хониш ба "Муассисаи Давлатии рақами 76" дар синфи 10-ум таҳсилро идома медиҳад. Сабаби интихоб намудани санъати РЭП барои ӯ, ғаму андуҳи дарунӣ ва норасоии волидайн буд. Аввалин сабте,ки ӯро гирёнду ҳавасманд гардонид, ин сабти рэпери машҳури Ҷумҳуриамон, ки ӯро бо тахаллуси "Шон Мс" мешиносанд, дар мавзӯъи "Развод" буд ва ӯ бисёр мехост, ки ба ӯ, яъне "Шон Мс" шогирд бошад. Аммо мақсади ӯ беамал монд. Нахустинбор ӯ сабти худро дар студияи "MAD-LANE", ки роҳбараш рэпери ҷавони рус бо тахаллуси "ARMAD" буд сабт кард. Баъдан бо ӯ ҳамкориро идома дод ва ӯро ҳамчун устод медонист, ҳарчанде, ки нозукиҳоро аз забони ӯ нашунида буд. Баъдан бо дигар рэперон шиносои пайдо кард, аз қабили "Lil Beat, XZ-BaRoN, Ra1nJon, FaRa 7-Sol, Nav1k Mc ва ғайраҳо. Бо дастгирии "FaRa 7-Sol" бошад, ӯ аввалинбор ба гурӯҳи "Life and Death Production", ки тарҷумааш "Зиндагӣ ва Марг" мебошад дохил шуд ва то ҳол иштирокчии ин гурӯҳ ба шумор меравад. Интихоби тахаллус ва инчунин номи Исломии ӯ, "Муслим" (MusL1m) дар ин аст, ки ӯ нақша дошт бо ин номи бузург, дашному ҳақоратҳоро истифода набурда ва дар ҳар як мавзӯъи сабтҳояш калимаҳои бузург, аз ҷумла "ИншоАллоҳ"-ро истифода барад. То дар ҳар гуноҳе, ки аз тарафи ӯ мешавад, нуқсони асоси надошта бошад ва боз дар оянда нақшаҳои хуб зиёд дорад.



Отзывы

Возврат к списку